خرج علينا المدعو ” إغناسيو سمبريرو ” و هو يستشيط غضبا ليخبرنا أن عبد اللطيف السيد عبد اللطيف حموشي ، المدير العام للمديرية العامة للأمن الوطني و المديرية العامة لمراقبة التراب الوطني ، قد أخل بواجب التحفظ فيما يتعلق بأخذه صورا مع رئيسة الاستخبارات الإسبانية ، و أنه عرف لم يتم خرقه قبل ذلك .
و هنا نقول له: الرجوع لله يا الأستاذ ( السميري) !!
هل تم تحنيطك لمدة طويلة أم أنك كنت في سبات عميق، أم أنك لا تساير الأحداث و التطورات إلى فاتك الكار عض في المزرار!!
ليكن في علمك أيها الأبله أن رؤساء المخابرات ولاو كيديرو مؤتمرات عالمية ؟
آيييه أ سيدي … و كيتلاقاو و كيتسالمو و كيتصورو و كيتكلمو و كيتباحثو …
لأن تعزيز الشراكات الأمنية خاصة في المواضيع المتعلقة بالإرهاب و الهجرة غير الشرعية هي مواضيع لم يعد حول أهميتها جدال !
و قد ولى عهد العميل 007 ، و التكتم و التعتيم و هادوك اللعيبات .
و لات القضية فيها الشفافية، و تم الاعتراف بوجود أجهزة استخباراتية مالك قديم مالك انسان حجري ؟
الأجهزة الإستخباراتية أصبح عندها مواقع إلكترونية
و صفحات على وسائل التواصل الاجتماعي، و تتفاعل مع المواطنين وقضياهم اليومية وانشغالاتهم.
و كتدير أيام مفتوحة للعموم، و عندها ناطق رسمي،وعندها الحق تتواصل مع الرأي العام الوطني و الدولي بخصوص إنجازاتها الدبلوماسية تماما كالمسؤولين عن الديبلوماسية الخارجية!.
واش باقي عاقل أ سي إغناسيو على ما قبل سقوط جدار برلين و لا كيفاش ؟!
السيدة فرحانة و ضاربة تصويرة مع نظيرها المغربي، و كيبتسمو بافتخار و اعتزاز … و أنت آش حرگ شطاتك بغيت نفهم أنا !!
واييه … عرفناك جراو عليك من خدمتك باش يصلحو العلاقات الدبلوماسية مع المغرب … إيوا غير باش تعرف شحال دغيا دغيا كيرميوكم دياولكم فلاكاص … الچوطابل يا أخي … و لكن حنا لا
حنا مكنتخلاوش على المسؤولين دياولنا المجتهدين باش نديرو الخاطر لدول أو أشخاص !
حنا مكننحيوش رجال البلاد باش نجاملو الفرنسيس و لا الصبليون و لا اللي كان !
و بيناتنا … آش هاد المنطق البليد ؟
نحيدو الحموشي لأن الحموشي حاضي الشباك و مكيخليش البيوت يتماركاو علينا ؟!
نحيدو الـــ 9 باش نعاونوكم تغلبونا !
ياك هذا هو مربط الفرس ؟
ياك هادشي علاش كتدورو ؟
والله عمرها الى كانت ليكم ديما الرقم الـــ 9 حاضر وموجود وفي أية لحظة أو مقابلة انتظروا الهزيمة حتى في عقر عشكم العنكبوتي.
دبا تخيل معايا شي فرقة غادية عند المانشيستر سيتي و كتقول ليه : إلا بغيتونا منتقلقوش منكم حيدو هالوند باش متغلبوناش
ماشي هذا هو العبث؟!
و عن بيگاسوس …
البينة على من ادعى يا فتى
عمرني شفت شي واحد يتهم واحد آخر، و يقول ليه سير قلب على البراءة ديالك !
ما هذا يا هذا ؟
و يكون هادشي بصح …
و الله حتى حنا واعرين و براڤو علينا !!!
المهم … أسفله صورة تعود لسنة 2016 في فرنسا
فكيفاش الحموشي ما مشاش لفرنسا من 2014؟ لوجيكمون باغلون ؟
بغيف …
حاسة بيكم و الله !
صعاب عليكم شي حقائق
و كبير عليكم شي لعب !
فهنيئا لنا بمخابراتنا …
و تبا لأعداء الوطن
