محمد زيان مقلق و غضبان و طالع له الدم ماشي حيت محروم من شي حاجة ف الحبس ديال لعرجات… لا عندو كولشي الما سخون..التلفون..الدوا…لغطا..ماكلة نقية و الطبيبة حتى هي..التامك داير ليه ضيافة 5 نجوم..زيان غضبان حيت دوز عيد الميلاد ديالو بوحدو..لا حنين لا رحيم..كالس بوحدو ف السيلون شعل الراديو وهو يتلاقى نيشان مع أغنية الدكالي..فين موسى فين فرعون..فين ليلى و فين شمشون …كولشي راح مع الزمان كولشي صار ف خبر كان…
محمد زيان هبطو ليه الدموع…هاد الأغنية قلبات عليه المواجع. زيان خدا ورقة وستيلو و بدا كيكتب باش يبرد على راسو:
فين الوزارة وفين السيارة
فين الكيران وفين البيران
فين لعيالات وفين لبنات
فين لعزبات وفين لمزوجات
كولشي راح مع الزمان ونا جيت للعرجات..الله حي.. الله حي باقي حي ديما حي.
فين وهيبة و فين عفاف
فين حويجيب بارد لكتاف
فين دنيا وفين عدنان
فين زكريا كحل السنان
كولشي راح مع الزمان كولشي صار ف خبر كان..
شوية زيان سمع التلفون ديالو كيصوني…شاف النمرة ديال وهيبة…مابغاش يجاوبها..ناضت وهيبة صيفطات ليه audio قالت ليه (زوزو حبيبي صباح الخير. انا تاصلت بحاجب و زكريا باش نشريو ليك شي كادو مبغاوش قالو ليا خاصهوم لفلوس. النصابة طلبو ليا 700 دولار والله ما سيفطتها ليهوم باش مانتقولبش بحال المرة لي فات. أنا صاوبت ليك واحد gateau فيه شوكولا مطحونة مع اللوز و الحبة الزرقا لي عزيزة عليك. صيفطو ل دنيا الفيلالي باش تسيفطو ليك ساعة الجيعانة عاودات فيه البيع. المهم بغيت نقوليك راجلي دار لي تنازل على كولشي الخيانة والدار ولفلوس والطوموبيل. جاتني واحد لخدمة ف كاباري ف تايلاند غادي نخدم فيه مسؤولة ديال sécurité ونعيش حياتي كيف كونت كنتمنى…ونتا تعيد و تعاود إن شاء الله فلعرجات من نهار شفتك ونا غير فالشوهة و الفضايح. باي أحبي ومتنساش تطلب من التامك ينقلك للحبس ديال طاطا باش تسخن عظيماتك و تنعس فوق الذهب لي كونتي كتسول عليه..باي باي chéri).
زيان سمع الأوديو و الدموع ف عينيه…عاود شعل الراديو باش ينسى الهم و ينسى وهيبة و لكن هاد المرة تلاقى نيشان مع القرآن(والزاني والزانية فاجلدوا كل واحد منهما مائة جلدة..صدق الله العظيم).. زيان قال معا راسو القضية ما بقاش فيها الرقم 11 ولى الرقم 100 …100 جلدة الله يغفر ليا وصافي
