مع حلول ليلة القدر المباركة، فكت الشياطين قيودها ونزلت مسرعة إلى الأرض لاستكمال “مهامها” وتعويض ما فاتها من نشر الشرور والمعاصي خلال أيام “الحبس الرمضاني”، كل شيطان حسب تخصصه (الكذب- شهادة الزور- القتل- الزنا….)
فؤاد عبد المومني كان من أول النازلين (التخصص ديالو الزنا والكذب) و بمجرد ما وطئت قدماه الأرض( هذه المرة وطأ الأرض ولم يطأ زوجة رفيقه المعلوم) رمى بالشهب الأولى التي أتى بها من عالم الشياطين.علاش الحموشي استقبل المدير العام ل CIA و علاش مادارش بلاغ على هاد الإجتماع بحال كيف دار ولي العهد السعودي محمد بن سلمان لي شاف حتى هو هاد المسؤول الأمريكي فالسعودية؟.
الشيطان عبد المومني استرق النظر في ما نشرته إحدى التقارير وعرف مضمون لقاء بن سلمان مع williams bruns وأراد أن يسترق السمع ليعرف مادار بين الحموشي والمسؤول المخابراتي الأمريكي رقم واحد فالعالم لكن خسئت أدناه وخاب مسعاه.
الشيطان عبد المومني مشا بعيد وقال علاش burns استقبل بطريقة رسمية من طرف ولي العهد السعودي و علاش فالمغرب شافو غير الحموشي و حينما يقول المومني هذا الإفك ينزع أي طابع رسمي عن هذا اللقاء. واش أسي فؤاد ذنوب رمضان لي خارجين فيك و متلفينك ولا البرد ديال الكليماتيزور مزال شاد فيك أو الخلعة منين تفرشتي فالبيعة والشرية ديال المقال ديال the economist؟
إلا كان ولي العهد بنسلمان والمساعدين الكبار ديالو تلاقاو burns وسربو للصحافة شنو دار بيناتهوم فأهل مكة أدرى بشعابها. أما أهل المغرب معروف عليهوم كيخدمو بالسترة والتكتم يعني الدق والسكات.
نجيو دابا للحموشي لي فاقصك و معقدك أسي فؤاد واش مابانتش ليك الرسمية ديالو فالصفة ديالو كمدير عام للأمن الوطني ومراقبة التراب الوطني؟ باش من صفة كيخدم فالمغرب و كياخد القرارات وكيعطي الأوامر و التعليمات و الاستشارات؟ باش من صفة كيتلاقى مختلف المسؤولين الأمنيين والمخابراتيين فالعالم؟ باش من صفة كيتلاقى زعماء الدول؟ سي عبد المومني بغا يقول للمغاربة أن الحموشي واقيلا خدام en noir أو خدام privé .وليتي غير كتشير ودرتي الضحك فراسك أسي فؤاد.
محمد بن سلمان (مع كامل الاحترام ليه) كان خاصو يكون ولي العهد و رئيس مجلس الوزراء و رئيس مجلس الشؤون السياسية والأمنية ووزير دفاع سابق وووو باش يتلاقى burns و غيرو. أما الحموشي ماهو إلا مسؤول فحدود الاختصاصات لي عندو ولكن يوجد في النهر ما لايوجد في البحر بمعنى بهاديك الاختصاصات لي هي مؤطرة دستوريا وقانونيا وإداريا كيتلاقى كبار المسؤولين الأمنيين والمخابراتيين فالعالم وكيتلاقى زعماء دول و رؤساء حكومات و حين تقتضي الضرورة كيمشي كمبعوث خاص ديال الملك يعني أسي فؤاد الحموشي حاضر رسميا و واقعيا وإيجابيا في المشهد الأمني في المغرب و فاعل و مؤثر معتمد وموثوق به في صناعة الإستراتيجية الأمنية العالمية. شفتي التشيار ديالك فين وصلك.
حسب الفهم التسطيحي ديال المومني، مدراء cia و fbi و cni و و MI6 الخ ماكيلقاو ما يدار كيجيو عند صاحبهوم الحموشي يشربو قهوة ويتساراو ف mall ويمشيو. الله يلعن لي مايحشم.
يا فؤاد(ي) لا تسل… ويا فؤاد لا تسأل عن أشياء إن تبد لك تسؤك…كيف قال القرآن ما تبقاش تسول فشي حاجة لي ماشي سوقك وما عندك فيها أي فائدة و ما غادي تجيب ليك غير السوء “واسألوا أهل الذكر إن كنتم لا تعلمون”.
في انتظار تدير عقلك، وباش نعاونوك تحيد العقد لي فيك كنقترحو عليك أسي عبد المومني تأسس “إدارة أمن لاوطني” كون فيها نتا هو الناطق الرسمي و المعطي مول الجيب مسؤول العلاقات الخارجية عندو الجنسية الفرنسية وعندو كيفاش يجيب لفلوس من برا ومتلقاوش احسن من بوبكر كمدير عام راه فايت ليه كان باطرون ديال جريدة و غرق ليها الشقف.
هاكدا فاش يسالي burns مع الأمير بنسلمان يجي عندكوم ل بنسليمان جمعو معاه ف “فيرمة الضرار” ( على وزن مسجد الضرار) و نوعرو معاه على الملك و الحموشي والمنصوري ولقجع والركراكي وكاع لي ناجح فهاد لبلاد وديرو بلاغ أو جوج بلاغات أو خنشة ديال لبلاغي كاع …اللهم إني قد بلغت… هؤلاء (عبد المومني ورباعتو) قوم قد بغوا علينا فرد كيدهم في نحورهم..آمين.
